Ֆուտզալի Հայաստանի ազգային հավաքականը հաղթեց Չեխիայի ընտրանու նկատմամբ

Այսօր Լիտվայում ընթացող Եվրո-2026-ի որակավորման փուլի 2-րդ փուլում ֆուտզալի Հայաստանի հավաքականը 5:4 հաշվով հաղթեց Չեխիայի ընտրանուն՝ ապահովելով իր տեղը 1/4 եզրափակչում։

Ռուբեն Նազարեթյանի գլխավորած թիմը խաղի ընթացքում ցուցադրեց բարձր մարզավիճակ և հաջող հարձակվեց։ Հայաստանի հավաքականի կազմում գոլեր խփեցին Վլադիմիր Սանոսյանը, Արսեն Պետրոսովը և Նիկիտա Խրոմիխը, որը դուբլ ձևակերպեց։ Բացի այդ, Չեխիայի թիմի կողմից գրանցվեց նաև ինքնագոլ։

Այս հաղթանակից հետո Հայաստանի հավաքականը 6 միավորով գլխավորում է B խմբի մրցաշարային աղյուսակը։ Խմբային փուլի առաջին խաղում թիմը նույնպես հաղթել էր՝ 2:1 հաշվով հաղթելով Ուկրաինային։

Հունվարի 28-ին հայկական թիմը կանցկացնի վերջին խաղը՝ մրցելով խմբի տանտերերի՝ Լիտվայի հավաքականի հետ։

Հայաստանի հավաքականը պատմության մեջ առաջին անգամ է հանդես գալիս Եվրոպայի առաջնությունների եզրափակիչ փուլում։