Եվրապատգամավոր Ֆերնան Կարտհայզերը «Իզվեստիա»-ին տված հարցազրույցում նշել է, որ Եվրամիության անդամակցությունը Հայաստանի համար ներկայումս ավելի շատ տեսական բնույթ է կրում, քան իրական, հստակ նպատակ։
Նրա խոսքով՝ թեև Հայաստանը վայելում է մեծ համակրանք ԵՄ-ի շրջանակներում, և երկու կողմերի միջև պաշտոնական հարաբերությունները շարունակում են զարգանալ, անդամակցության հարցը ներկայումս ավելի շատ տեսական է։
Կարտհայզերը նշել է, որ ԵՄ-ն այս պահին իր ուշադրությունը կենտրոնացրել է Բալկանյան թեկնածու երկրների, ինչպես նաև Ուկրաինայի և Մոլդովայի անդամակցության հեռանկարների վրա։ Նա նաև ընդգծել է, որ Հայաստանի աշխարհագրական դիրքը և հարևան երկրների հետ առկա բարդ հարաբերությունները նման թեկնածության շուրջ բազմաթիվ հարցեր են առաջացնում։
Եվրապատգամավորի կարծիքով, այս պայմաններում ավելի իրատեսական ուղղություն է ԵՄ-ի և Հայաստանի միջև համագործակցության հետագա ընդլայնումը։ Այս համագործակցությունը կարող է ուղղված լինել երկրի տնտեսական զարգացմանը աջակցելուն, բնակչության կենսամակարդակը բարելավելուն և երկու երկրների միջև մշակութային կապերը ամրապնդելուն։
Կարտհայզերը նաև նշել է, որ Հայաստանը կարող է հետաքրքրություն ներկայացնել ԵՄ-ի համար նաև որպես արտաքին քաղաքականության գործընկեր, հատկապես՝ Իրանի հետ երկարատև և ռազմավարական հարաբերությունների շնորհիվ։
