Իմ վերջին հանդիպմանը լրագրողների հետ ես նշեցի, որ «Հայաստան» դաշինքի վարչապետի թեկնածու իշխանության գալու դեպքում մենք բանակցությունները կսկսենք ոչ թե զրոյական կետից, այլ՝ ավելացնելով և ուժեղացնելով առկա նախաստորագրված փաստաթուղթը։
Մեր մոտեցումը հիմնված է այն փաստի վրա, որ այս պահին գոյություն ունի նախաստորագրված փաստաթուղթ, որը պետք է լրացվի։ Այն պետք է համալրվի առնվազն երկու հավելվածով՝ երաշխիքներ ձևավորելու մասին։ Սա նշանակում է, որ մենք կավելացնենք և կուժեղացնենք երաշխիքային համակարգը, որպեսզի խաղաղությունը լինի հարատև, կայուն և երաշխավորված։
Ես կարծում եմ, որ երաշխիքային համակարգի հիմքում պետք է լինի ՄԱԿ-ի Անվտանգության խորհրդի հստակ և կոշտ ձևակերպումը, որը կներառի պայմանագիրը խախտողի համար լինելու հետևանքները։
Ամենակարևորը, սակայն, երաշխավորող պետությունների առկայությունն է։ Իմ կարծիքով, ճիշտ կլինի, եթե որպես երաշխավորող լինեն և՛ ԱՄՆ-ն, և՛ Ռուսաստանը։ Այս մոտեցումը կապահովի երկրների շահերի բալանսավորումը։ Շատ լավ կլինի, եթե երաշխավորողների շարքում միանալու է նաև ԵՄ-ն, իսկ իդեալական տարբերակը ԱՄՆ-Ռուսաստան-Չինաստան մասնակցությունն է։
Ես ոչ միայն հնարավոր եմ համարում այս համակարգի ձևավորումը, այլև վստահ եմ, որ այն այսօր չկա, քանի որ Ալիևին այն պետք չէ, իսկ Հայաստանն էլ նման հարցը բարձրացնելու նախաձեռնությունը չի ցուցաբերել։ Մեր նպատակն է ստեղծել խաղաղության երաշխիքներ, որոնք կապահովեն երկարատև և կայուն խաղաղություն մեր երկրի համար։
