Հայաստանի սպորտային մարմնամարզության տղամարդկանց ազգային հավաքականը չի մասնակցի աշխարհի գավաթի երրորդ փուլին, որը մեկնարկում է այսօր Թուրքիայի Անթալիա քաղաքում։ Այս մասին հայտնում է Հայաստանի մարմնամարզության ֆեդերացիան։
Թիմը չի կարողանում վերադառնալ Կատարում անցկացվող ուսումնամարզական հավաքից։ Ստեղծված իրավիճակը թույլ չի տալիս հավաքականին ապահովել ժամանակին Թուրքիա մեկնելու հնարավորությունը։
Ֆեդերացիան հիշեցնում է, որ Հայաստանի հավաքականը նախկինում, երկրորդ փուլի ժամանակ, նույնպես չի մասնակցել մրցաշարին։ Այդ փուլը տեղի էր ունեցել Ադրբեջանի մայրաքաղաք Բաքվում։
Աշխարհի գավաթի առաջին փուլը, որը տեղի էր ունեցել Գերմանիայի Կոտբուս քաղաքում, հաջողությամբ ավարտվել էր հայաստանյան մարզիկների համար։ Արթուր Ավետիսյանը նվաճել էր ոսկե մեդալ, իսկ Մամիկոն Խաչատրյանը՝ արծաթե։
