«Զվարթնոց» միջազգային օդանավակայանում շարունակվում են ստուգումներ։ Օդանավակայան ժամանած մեր քաղաքացիներից ոմանց մոտեցել են ռազմական ոստիկանության աշխատակիցները և լուսանկարել նրանց անձնագրերը։
Ստուգումները սկսվել են այն բանից հետո, երբ լուր էր տարածվել, որ օդանավակայան ժամանողներին 25-օրյա զինվորական հավաքների ծանուցագրեր են հանձնում՝ ենթադրաբար հունիսի 7-ին կայանալիք քվեարկությանը նրանց մասնակցությունը կանխելու նպատակով։
Օդանավակայան ժամանած մարդկանցից մեկը հայտնում է, որ ռազմական ոստիկանները մոտեցել են նրան, ստուգել անձնագիրը և նշել, որ իրականացվում է ուժեղացված հսկողություն։ Որոշ դեպքերում ոստիկանները նույնիսկ հարցեր չեն ուղղել, սակայն ներկա են եղել անձնագրային բաժնում։
Մեկ այլ ժամանածի հաղորդմամբ՝ ռազմական ոստիկանության աշխատակիցները մոտեցել են նրան, սակայն երբ պարզել են, որ նա հայկական անձնագիր չունի, ստուգումը դադարեցվել է։
Մյուս կողմից, օդանավակայան ժամանած մարդկանցից մեկը նշում է, որ օդանավակայանում ռազմական ոստիկանների առկայություն չի նկատել և անցել է ստանդարտ անձնագրային հսկողություն։
