ՀՀ քննչական կոմիտեի տեղեկացմամբ՝ քաղաքացի Արմեն Հովհաննիսյանի մահվան դեպքի առթիվ հարուցված քրեական գործի շրջանակներում ձերբակալվածներ չկան։
Ինչպես հայտնի դարձավ, մայիսի 17-ին Քրեական ոստիկանության կոմիտեն հայտնեց, որ Նուբարաշենի Հոգեկան առողջության պահպանման ազգային կենտրոնում ձերբակալվածի կարգավիճակ ունեցող անձի ինքնավնասման դեպքով քրեական վարույթ է նախաձեռնվել ինքնասպանության հասցնելու հոդվածի հատկանիշներով։
Հիշեցնենք, որ մայիսի 16-ին ՀՀ Ներքին գործերի նախարարության ոստիկանությունը հայտնել էր, որ տղամարդը ձերբակալված էր և գտնվում էր Համայնքային ոստիկանության Արտաշատի բաժնի ձերբակալվածների պահման վայրում։ Նրա մոտ նկատվել էր հոգեկան անհավասարակշռ վարքագիծ, ինչից հետո նրան տեղափոխել են հոգեկան առողջության կենտրոն, որտեղ նա նաև մահացել է։
